आइतबार ०३ आश्विन २०७८

काठमाडौं

प्रधानमन्त्री केपी शर्मा ओलीले  पिलो निचोरिएर  जाँदैमा कुनै चिन्ता गर्नु  नपर्ने बताएका  छन् ।

आज बिहिबार सिन्धुलीको सुनकोशी मरिन डाइभर्सन बहुउद्देश्यीय आयोजनाको शिलान्यास  गर्न सहभागी भएका ओलीले प्रचण्ड नेपाललाई संकेत गर्दै  यस्तो अभिव्यक्ति दिएका  हुन्  ।

नेकपा पार्टी  त्यस्तो रुख हो जसलाई हावाहुरीले हाँगा मात्रै भाच्न सक्छ रुख ढाल्न सक्दैन  भन्दै त्यस्तो हाँगा त फेरि पलाउँछ भनेका ओलीले प्रचण्ड नेपाललाई रुखको हाँगाको संज्ञा दिएका  हुन् ।

सम्बोधनमा ओलीले  महाभारतको युधिष्ठरको प्रसंगलाई जोड्दै भने, ‘स्वर्गतिर हिँड्दाखेरि युधिष्ठिरहरू हिमालतिर लागेछन्।

पहिला शहदेव ढल्यो, अर्को नहकुल ढल्यो, अर्को अर्जुन ढल्यो, अर्को भीम ढल्यो, त्यसपछि युधिष्ठिर एक्लै भए, कहिले-कहिले एक्लै हुनुपर्छ ।

’राजनीतिमा एउटा ढल्यो भने  हजार वटा भएर निस्कन्छ  ।

पिलो निचोरिँदैमा ओजन घटेको हुन्न। केही–केही पिलो निचोरिएर जान्छन्, चिन्ता गर्नु पर्दैन, भन्दै ओलीले भने,’एउटा भाचिँएको हाँगाबाट सय वटा  हजार्रौैं विरुवा निस्कन्छ’।

यो पनि पढ्नुहोस् :भारतसँग जोडिएका नाका  सञ्चालनमा नआउँदा आवतजावत  गर्न  समस्याबैतडी, २० फागुन-  जिल्लाको तल्लोस्वराडका भारतसँग जोडिएका नाका (घाट) पछिल्लो ११ महिनादेखि बन्द छन् ।

घाट बन्द हुँदा आवतजावत गर्न नै समस्या भएको छ । महाकाली नदीमा डुङ्गाको सहायताले वारपार गर्न बनाइएका निश्चित स्थानहरू नै घाट हुन् ।

कोरोना   सङ्क्रमण रोकथाम तथा नियन्त्रण गर्नका लागि भन्दै महाकाली नदीमा रहेका जिल्लाका तल्लोस्वराडका घाट गत चैतदेखि नै बन्द गरिएका थिए ।

शिवनाथ गाउँपालिकाको नागार्जुन घाट र कुस्मौद घाट तथा पञ्चेश्वर गाउँपालिकाको बलारघाट, ढोयाघाट, रोलघाट, डिम्बरघाट, पञ्चेश्वर घाट, विनायक घाट र धरमघाट बन्द अवस्थामा छन् ।

घाट बन्द हुँदा भारत जानका लागि दुई दिन लगाएर झुलाघाट नाका भएर जानुपर्ने अवस्था छ ।

यसका साथै दैनिक उपभोग्य सामानसमेत महँगो खरिद गर्नुपरेको स्थानीयवासी वीरेन्द्र महताले बताउनुभयो ।

घाट खुला रहँदा भारतबाट सामान आउने गरेको भए पनि हाल भारतबाट आउन छोडेको हो ।

उहाँले भन्नुभयो, “भारतबाट ल्याइएको सामान सस्तो हुने गर्दथ्यो, अहिले महँगोमा किन्नुपरेको छ । ”

तल्लोस्वराडवासी नाका वारपार गर्नका लागि महाकाली नदीमा डुङ्गा प्रयोग गर्छन् ।

यसका लागि नदीमा निश्चित स्थान तोकिएका थिए । ती स्थानमा हाल डुङ्गा चल्न छोडेका हुन् ।

उपभोग्य सामानका लागि भारतकै भरमा रहेका स्थानीयवासी हाल समस्यामा परेका हुन् ।

हालै तल्लोस्वराडमा सडकसञ्जाल विस्तार भएकाले नेपालबाट लगिएको महँगोमा सामान पुग्ने गरेको छ ।

स्थानीय बासिन्दाको समस्यालाई ध्यानमा राख्दै स्थानीय सरकारले घाट खोलिदिन आग्रह गर्दै जिल्ला प्रशासन कार्यालयलाई आग्रह गरेको शिवनाथ गाउँपालिकाका उपाध्यक्ष कुष्मा चन्दले बताउनुभयो ।

उहाँले भन्नुभयो, “घाट खोल्ने विषय अन्तर्राष्ट्रिय मामिला भएकाले स्थानीय सरकारले खोल्न सक्दैन, हामीले सङ्घीय सरकारलाई आग्रह गरेका छौँ ।”

यता घाट खोल्नका लागि सरकारले नै निर्णय गर्नुपर्ने बैतडीका प्रमुख जिल्ला अधिकारी मोहनराज जोशीले जानकारी दिनुभयो ।

उहाँले भन्नुभयो, “हामीले घाट खोल्नका लागि सरकारलाई लिखितरूपमा जानकारी गराइसकेका छौँ, यस विषयमा सरकारले कुनै पनि निर्णय गरेको छैन ।”

उहाँले ती घाट वैधानिक नभएको समेत बताउनुभयो ।

“स्थानीय तहले सजिलोका लागि घाट सञ्चालनमा लिएका हुन् तर यी घाट वैधानिक भने होइनन्”, उहाँले भन्नुभयो ।

वैधानिक नभए पनि पुनः सञ्चालनका लागि सरकारले नै निर्णय गर्नुपर्ने जिल्ला प्रशासन कार्यालय बैतडीले जनाएको छ ।

भारतसँग सीमा जोडिएको बैतडीको झुलाघाट नाकामात्रै हाल सञ्चालनमा रहेको छ ।

विश्वव्यापीरूपमा फैलिएको कोरोना महामारीका कारण सरकारले गत चैतदेखि अन्तर्राष्ट्रिय नाका बन्द गरेको थियो ।

सरकारले गत माघ महिनादेखि अन्तर्राष्ट्रिय नाका सञ्चालन गर्ने निर्णय गरेको हो ।

 

 


Last Updated on: March 4th, 2021 at 9:12 pm
१२२ पटक हेरिएको

तपाईको प्रतिक्रिया