आइतबार १० आश्विन २०७८

काठमाडौं ।

नेकपा एकीकृत समाजवादीका अध्यक्ष माधवकुमार नेपालले अहिले तत्काल कुनै पाटीसँग एकता गर्ने पक्षमा नरहेको बताएका छन् ।

आइतबार बानेश्वरमा संसदीय दलको बैठकमा सम्बोधन गर्दै उनले अन्य पार्टीसँग एकता गरेर जाने कुराहरु वाहियात रहेको बताए ।

उनले भने– ‘हाम्रो यस अगाडि देखि नै जिल्ला जिल्लामा संगठन रहेको छ ।

अब राष्ट्रिय सम्मेलन गरेर त्यसलाई अझै मजबुद बनाउनुपर्नेछ ।’ उनले पार्टीको संगठन विस्तार गर्दै बलियो बनाउन सांसदहरुलाई निर्देशन समेत दिए ।

नेपालले एमाले अध्यक्ष केपी ओलीले इतिहासमा लाजमर्दो काम गरेको बताए ।

आइतबार नयाँ बानेश्वरमा बसेको संसदीय दलको बैठकमा आफ्नो दलका सांसदहरुलाई सम्बोधन गर्दै नेता नेपालले ओलीले पार्टी तहसनहस पारेको बताए ।

उनले नेकपा कालमा ओलीले जालझेल षड्यन्त्र गरेको स्मरण गर्दै पार्टीमा आफू कमजोर भएपछि

सचिवालयका ३ नेतालाई एकैदिन सबैलाई पालैपालो आफूपछिको प्रधानमन्त्री बनाउने भनेर आश्वासन दिएर भ्रममा राख्न खोजेको उल्लेख गरे ।

ओलीले पुस ५ गते संसद विघटन गरेर प्रतिगमनको बाटोमा लागेको बताउँदै पुनःस्थापित संसदमा

आफूले विश्वासको मत नपाएपछि पुन संसद विघटन गर्दै आफ्नो पक्षमा बहुमत छ भनेर राष्ट्रपतिकोमा दावी गरेर लाजमर्दो काम गरेको उल्लेख गरे ।

उनले संसदबाट अविश्वासको मत पाउने वित्तिकै राजीनामा गर्नुपर्नेमा उल्टै बहुमत दावी गर्नु आश्चर्यको विषय भएको बताए ।

उनले ओलीको विपक्षमा १ सय ४६ जना छौँ भनेर सर्वोच्च अदालतमा सशरीर उपस्थित भएर सनाखत गरेको उल्लेख गरे ।

उनले ओलीको चिन्तनमा विचलन भएकोले उनको व्यवहारमा पनि विचलन आउँदा त्यसले ठूलो क्षेत्रलाई प्रभाव पारेको बताए ।

उनले भने– ‘म नै सर्वेसर्वा, म नै पार्टी भन्ने चिन्तनको विकास भएकोले त्यसको असर सरकार, पार्टी, कार्यकर्ता, समाजमा असर पर्यो ।

उनले पूर्व प्रधानन्यायाधीश, नागरिक समाजका सदस्य, मिडियाकर्मी कसैलाई बाँकी राखेनन् ।’

उनले ओलीको जस्तो स्वभाव छ उनका शिष्यहरुको बोली बाणीपनि त्यस्तै रहेको बताए ।

ओलीका चेलाहरूले पार्टीभित्रको वातावरण नै धुमिल भएको बनाएको नेता नेपालको भनाई छ ।

उनले पार्टीका सांसदहरुलाई पार्टीको क्रान्तिकारी धार विस्तारको अभियानलाई अघि बढाउन आग्रह गरे ।


Last Updated on: August 29th, 2021 at 8:15 pm
९५ पटक हेरिएको

तपाईको प्रतिक्रिया